BREBES — Taro, 48 taun, Warga Margasari, Kabupatén Tegal, konangan nyolong bawang abang nang Désa Tegalgandu, Kecamatan Wanasari, Kabupatén Brebes, dina Senen (25/1/2021). Pelaku dicekel warga sing lagi nglinter nang lokasi kedadénan.
Informasi sing ditampa PanturaPost, pelaku nglakoni aksiné wayah subuh sekitar jam papat ésuk. Warga curiga karo gerak-geriké pelaku sing wira-wiri karo numpak motor.
“Wayah konangan warga, pelaku lagi nggawa bawang abang sekitar 75 kilo sing dibenahi neng njero plastik. Bawang kuwé, dijukut seka gudang sing nggo njemur bawang ndéké warga,” omongé Danramil 03 Wanasari Kodim 0713 Brebes metung Babinsa kononé, Serda Toni.
Lah, nggo bawang sing dicolong pelaku yakuwé ndéké Mustofa (42) lan Somari (50). “Pelaku ora nggawa idéntitas. Dhéwéké uga nyopot plat nomer motoré,” jaréné.
Baca Juga
Lah, nggo barang bukti sing diamanna yakuwé Motor Honda Beat, tas krésék, lan bawang abang hasil colongan dianjingna maring njero jok motor.
Jaréné saksi mata, Fatkhulloh (46), awalé dhéwéké weruh wong karo gerak-gerik nyurigakna lagi njukut bawang abang.
“Nyong gemboran maling bawang. Latané Pak Mustofa lan Pak Somari metu. Akhiré dhéwék nangkep pelaku,” omongé Fatkhulloh.
Wong-wong akhiré nglaporna kedadénan kuwé maring petugas pikét Polsék Wanasari lan Koramil 03 Wanasari. Latané pelaku diamanna nang Polsék Wanasari nggo diusut luwih lanjut.
Wayah ditakoni daning petugas, pelaku ngaku kepaksa nyolong soalé nggo menuhi kebutuhan uripé.
“Pelaku wis dhéwék amanna nang Mapolsék termasuk barang bukti. Saiki dhéwék ésih ngembangna maning,” omongé Kapolsék Wanasari AKP Mulyono. (*)
Disunting Daning: Irsyam Faiz
Discussion about this post