BREBES – Banjir bandang sing nerjang 6 desa nang Kecamatan Ketanggungan nyebabna 85 umah bodhol. Akibate, ana warga sing kepokoh ngungsi gara gara umaeh ruwag.
Nuruti data, dina Rebo wingi (8/2) ana atusan umah nang 6 desa ning Kecamatan Ketanggungan sing kena dampake. Atusan umah kuwe lokasine nang Desa Sindangjaya, Cikeusal Kidul, Cikeusal Lor, Pamedaran, Buaran, karo Desa Ketanggungan.
“Paling parah kajadiane nang Desa Ketanggungan, ana 420 umah sing kaleleb gara-gara banyu kali Babakan mluber karo ana telung tanggul sing njebol. Ana enem umah sing bodhole lumayan parah. Anggo jumlah umah sing rusak ning Desa Ketanggungan sementara ana 63 umah,” ujare Kepala BPBD Brebes Nuhsy Mansyur, Jumat, 10 Januari 2020.
Samentara kue, nang Desa Sindangjaya, ana 294 desa kelelep banjir. Seka jumlah kuwe, sacuile 21 umah ngalami bodhol sedeng karo se umah ngalami bodhol parah, nganti ruwag. Dadi angger dietung-etung, umah sing bodhol ning Kecamatan Ketanggungan gara-gara dihampad banjir bandang kue totale ana 85 umah.
Baca Juga
Umah sing ngalami kerusakan kuwe, jarene uwis molai debeneri daning sing nduwe umaeh mbari direwangi tangga tangga teparo karo relawan secara swadaya.
“Akehe umah sing nang Desa Sindangjaya sing ngalami kerusakan yakuwe bangunan semi permanen. Sing akhire, ora kuat nahan bantere arus banyu, banjir bandang,” jelase. Trus juga, tanggul sing ana nang Desa Ketanggungan sing dawane 25 meter kwe be juga njebol.
Adong anggo penanganan tanggul njebol, jare Nuhsy, Saiki pihake wis mulai nglakukna ngrehab secara swadaya. Yakwe, nganggo karung sing diisi pasir karo lemah sing anggo digawe tanggul sementara. Seliane kwe , alat berat juga wis disiapna nggo mbenerna tanggul.
“Alat berat kuwe dianggo mbangun tanggul supaya luih duwur,” penjelasane. (*)
Sing Nyunting: Irsyam Faiz
Discussion about this post