SEMARANG — Gubernur Jawa Tengah, Ganjar Pranowo, ngumumna ana telung daérah sing pan nglakoni vaksinasi nang tanggal 14 Januari 2021 ngesuk. Telung daérah kuwé nang antarané Kota Semarang, Kota Solo lan Kabupatén Semarang.
Hal kuwé disampékna Ganjar sawisé nekani acara ‘Sosialisasi Pemberian Vaksin COVID-19 Bagi Tenaga Kesehatan (Nakes) nang RSUD Tugurejo’, dina Slasa (12/1/2021). Ganjar wis mastikna Dinas Kesehatan Provinsi Jateng wis nyiapna karo apik prosés vaksinasi.
“Pak Kadinkes wis siapin prosés vaksinasi, sing nggo pertama pisan mengko pan dilakoni nang Kota Semarang, Solo lan Kabupatén Semarang. Kuwé neng tahap pertama nang tanggal 14,” jaréné Ganjar.
Saliyané kuwé, pihaké uga wis mastikna daftar penerima vaksin ngantikan neng tingkat Puskesmas.
Baca Juga
“Vaksinator wis siap kabéh. Jateng termasuk sing wis ndaftarna malah kabéh Puskesmas uga wis dhéwék daftarna. Dadi wis 100 persén seka awal,” tuturé.
Sementara kuwé, ketekanan Ganjar uga mastikna kesiapan RSUD Tugurejo wayah pan vaksinasi, sekalian nggo cek kesehatané ngéling-éling Gubernur melu dijaluk nglakoni vaksinasi sesuai karo arahané Persiden.
“RS tugu dhéwék nganggo nggo ngecék batir-batir sing ngésuk pan nglakoni pertama, wabil khusus seka forkopimda. Mau pak Wagub uga wis, pak Kajati ngésuk, pak Pangdam lan pak Kapolda nang RS Polri lan TNI masing-masing lan mau dhéwék uga sampékna uga sekalian nang Nakes, nggo nyemangati dhéwéké ari dhéwék siap bener karo vaksinasi,” tegasé. (*)
Discussion about this post