Kurang Nyubya-nyubya, Lagu Tegalan Jungkir Balik  – Panturapost.com
Rabu, Februari 1, 2023
Panturapost.com
No Result
View All Result
Panturapost.com
No Result
View All Result
Panturapost.com
No Result
View All Result
Home Moci

Kurang Nyubya-nyubya, Lagu Tegalan Jungkir Balik 

Lanang Setiawan by Lanang Setiawan
18 Oktober 2020
3 min read
0
Kurang Nyubya-nyubya, Lagu Tegalan Jungkir Balik 
Share on FacebookShare on Twitter

NASIB tembang Tegalan jungkir balik. Méh setengah abad bergerak sajegé Najeeb B, Sang Legendaris pencipta lagu Tegalan, ngenalna lagu daérah léwat “Man Draup Téol” lan “Téh Poci Gula Batu”, kosih sapréné durung nemu kabegjaan. Paribasané, lagu-laguné Tegalan keplétét daning lagu-lagu daérah Cerbonan, Dermayon, Campurcari, uga Jawatimuran. Bisa dikandakna, tembang Tegalan dongéné uga ora kalah apik. Mung baé tetep kalah populér, siji baé ora nganti bisa viral!

Omongan kuwé muncrat sekang corong cangkemé Sidul, nalika jakwir-jakwiré ndopok nang panggonan biasa. Nang bengi kuwé, obrolané khusus nandes soal nasib tembang Tegalan kosih saiki ngenes baé, kedundung lagu-lagu daérah liya. Embuh faktoré apa?

“Enyong bener-bener éram. Nasib lagu Tegalan keplétét daning lagu-lagu kaya Cerbonan, Dermayonan, Campursarinan uga Jawatimuran. Perjuangané méh setengah abad, posisiné nang tengah ora nang nduwur apa maning. Tetep baé nang ngingsor terus-terusan. Faktoré dongé apa sih, Jon?” sambung omongané Sidul kayong éramé por-poran.

ADVERTISEMENT

Jon Dapuk pan njawabi, Kapér ndisiti nimpali omongané Sidul.

Baca Juga

Makna “Kacar Kucur” pada Ritual Pernikahan Jawa

Makna “Kacar Kucur” pada Ritual Pernikahan Jawa

30 Januari 2023
Air Mancur Alun-alun Tegal Menari Diiringi 2 Lagu Tegalan Karya Lanang Setiawan

Air Mancur Alun-alun Tegal Menari Diiringi 2 Lagu Tegalan Karya Lanang Setiawan

24 Januari 2023

“Bab kiyé sing ndadékna nyong getun. Béda adoh angger nyong ngamati gerakané para seniman Tegalan, gaungé maring ngendi paran. Jagad kayong digawé oreg sejegé sastra Tegalan mencuat ning taun 1994. Karya-karya puisi Tegalané wani tanding kambén  seniman-seniman Nasional!”

Jon Dapuk pan njawabi, Darto wis nyerobot ndisiti.

“Énté aja kadiran dadi penyair, Pér? Endi buktiné angger Sastra Tegalan gemladag nang jagad Nasionak?” Katon ora bombong Darto nimpali omongané Kapér.

“Kowen ngarti apa soal puisi Tegalan, To? Nyong luwih paham ketimbang kowen! Kowen péngin bukti angger Sastra Tegalan khususé puisi, gawé gégér nang kantong-kantong kebudayaan uga nang média massa?” Kapér ora gelem kalah.

“Cacak dibuktikna. Aja umbrus énté!”

Ujug-ujug, Kapér mbuka HP latané ndadak maca puisi Tegalan kang judul “Awité Tembangan Banyak” karya Ria Candra Dewi.

 

AWITÉ TEMBANGAN BANYAK

Awité Nyanyian Angsa puisiné WS. Rendra

dialihwacan dadi Tembangan Banyak

latané puisiné Chairil Anwar

:Aku, Doa, Isa dialihwacan

Sang Begawan dadi:

:Enyong, Donga, uga Isa

 

Taun 1994 jagad puisi gégéran

puisi-puisi terjemahan Tegalan

nang endi paran geni Sastra Tegalan

mulad-mulad

 

Ora ngira ora nyangka

kabéh sastrawan ning bumi pertiwi

ADVERTISEMENT

kebakaran jénggot

 

Taman Budaya Surakarta kobongan

Indramayu kobongan

Semarang uga kobongan

 

Taun 1994

koran-koran oreg

Suara Merdeka muat gedéan

Suara Pembaruan rong halaman

Replubika nonggol nang halaman depan

Harian Soré Wawasan mélu kebakaran

SKM Swadesi ora ketinggalan

ora keri nang tabloid Literasi

 

Nalika samana

jagad susastra dikepung puisi terjemahan

Tegalan

 

Pisankala Tegal ngurubna geni

kahanan gemladag mulad-mulad!

 

“Nah! Kuwé sajak Tegalan karyané Ria Candra Dewi sing njelasna soal viralé Sastra Tegalan awit taun 1994 kosih saiki tetep éksis! Angger soal puisi, datané enyong komplit. Tapi lagu Tegalan, endi sing moncér nang blantika musik Nasional? Laka… laka, To?!”

Krungu omongané Kapér, Darto langsung cep klakep ora bisa mbantah. Déwéké pancén ngakoni angger Kapér, nglotok so tentang  kabudayaan Tegalan.

“Dadi,” Kapér nerusna omongan, “Sing pan tak takokna maring Jon Dapuk, yakuwé soal lagu Tegalan bisané ora bisa mumbul sebabé apa?”

Zonder nginung zonder udud, Jon Dapuk langsung njawabi.

“Sapisan enyong mbenerna omongan Kapér. Kebanding lagu-lagu Tegalan karo jagad Sastra Tegalan khususé Puisi Tegalan, jelas lagu Tegalan ketinggalan adoh. Kaya puisi sing ditulis Ria Candra Dewi, kuwé salah siji bukti adong oyagé Sastra Tegalan tetep diperhatikna temenanan daning sastrawan-sastrawan nasional. Sedeng bisané lagu Tegalan tetep baé kanclep, sebabé para biduan uga para pemusik orgen tunggal ora duwé rasa kebangsaan maring wilayahé déwék. Akibaté lagu-lagu Tegalan kurang diminati masyarakat. Pihak Pemerintahé uga kurang tanggap!”

“Nah! Kuwé sing enyong éram. Maring budayané déwék kurang perhatian. Sing disubya-subya malah laguné wong liya. Termasuké bener omongané kowen, Jon. Para biduan karo pemusik orgen tunggalé ya pada ora peduli. Ampun tah ampun ah! Golét pangané nang Tegal malah lagu-laguné wong liya sing diunggul-unggulna!” omongé Sidul kayong njelu.

“Nah! Khusus kanggo kowen kabéh, gatékna budayané déwék. Adong kurang nyubya-nyubya, lagu Tegalan jungkir balik. Merga kuwé, junjung duwur karyané wong Tegal! Ébén moncér aja kosih kalah karo budayané wong liya. Péndéké, seniman karo pejabaté kudu awor dadi siji! ” omongé Jon Dapuk.

“Akur Jon. Sepakat!” omongé jakwir-jakwiré Jon Dapuk. Kompak! (@)

 

—

Lanang Setiawan, Seniman dan Penulis Novel.

Tags: Lanang setiawan
ShareTweetSendShareShare
ADVERTISEMENT

Related Posts

Dara Tinggi Bén Mudun Cukup Nganggo Jagung
Moci

Asal Usul Gambar Gunung Kembar Jaman SD

4 November 2022
Dara Tinggi Bén Mudun Cukup Nganggo Jagung
Moci

Moci: Gawe Koran nang Akhreat

22 Oktober 2022
Dara Tinggi Bén Mudun Cukup Nganggo Jagung
Moci

Setan Jempol Lawan Jentik

19 Oktober 2022
Dara Tinggi Bén Mudun Cukup Nganggo Jagung
Moci

Keturunan Kewolu

18 Oktober 2022

Discussion about this post

TERPOPULER

  • Putri Mantan Bupati Brebes Menikah: Mas Kawin Tanah 3,2 Hektare dan 100 Gram Logam Mulia

  • Tilang Elektronik Pakai Drone Mulai Diuji Coba di Brebes, Ini Sasaranya…

  • Miris, Suami di Brebes Cekik Istri Sampai Meninggal, Lalu Lapor ke Kakak Ipar

  • Bejat! Ayah di Brebes Tega Cabuli Anak Tirinya Selama 7 Tahun

  • Suami yang Bunuh Istri di Brebes Mengaku Dapat Bisikan Gaib

  • Jasad Wanita Muda Penuh Luka Ditemukan di Sungai Brebes, Identitas Masih Misteri 

  • Suami Bunuh Istri di Brebes, Jenazah Korban Akan Diautopsi Hari Ini 

MEDIA SOSIAL

  • 139.9k Fans
  • 169 Followers
  • 30.1k Followers
  • 54.6k Subscribers
ADVERTISEMENT
PanturaPost.com

2020 © PT Pantura Siber Media

  • Tentang Kami
  • Redaksi
  • Pedoman Media Siber
  • Info Iklan
  • Verifikasi Dewan Pers
  • Karir

No Result
View All Result
  • Beranda
  • Daerah
    • Brebes
    • Kota Tegal
    • Tegal
    • Pemalang
    • Kajen
    • Pekalongan
    • Batang
  • Kolom
    • Catatan Pekan Ini
    • Opini
    • Moci
    • Kolom Kolam
    • Sejarah
  • Jateng
  • Wisata
  • Olahraga
  • Video
  • Warta Ngapak
  • Kuliner
    • Resep
  • Infografik
  • Inspire Slawi
  • Advertorial
  • Kamus

2020 © PT Pantura Siber Media

Login to your account below

Forgotten Password? Sign Up

Fill the forms bellow to register

All fields are required. Log In

Retrieve your password

Please enter your username or email address to reset your password.

Log In