Nang Tegal Lagi Akéh Motor Ilang, Malingé Lagi Diuber Polisi

TEGAL – Nang Kota Tegal saiki lagi rame motor pada ilang. Nang sadinane baé, ana telung motor sing dicolong nang rong wilayah sing sejen. Yakuwé Kecamatan Tegal Timur karo Kecamatan Margadana.

Seka telung kedadénan kuwé, loro nang antarané konangan daning kamera sing umpetan utawa CCTV. Aksi pertama kedadén nang Kecamatan Margadana. Nang njero rekaman vidio kamera sing umpetan, maling katon nggawa mlayu motor nang latar gedung sing ana nang pinggir dalan Pantura nang dina Saptu bengi (10/10/2020).

Latané, dina ngésuké nang dina Minggu (11/10/2020) awan, kedadén maning motor dicolong nang latar masjid sing ana nang Kecamatan Tegal Timur. Aksi maling kuwé juga konangan CCTV.

Nang njero vidio kuwé, pelaku sing nganggo klambi lengen dawa warna biru lan clana putih katon meneng-meneng njukut motor matic sing lagi diparkir. Mung butuh wektu rong menit, pelaku bisa nggawa mlayu motor kuwé.

Baca Juga

Gebleg, Wong Lanang nang Brebes Kolu Nekek Bojoné Nganti Ninggal

28 Januari 2023

Ganjar: Lurah Kuwé Tugasé Ngurusi Rakyat, Udu Ngurus Jabatan

27 Januari 2023

“Kedadén telung curanmor nang Kota Tegal, loro nang Kecamatan Margadana, siji nang Tegal Timur,” omongé Kasat Reskrim Polrés Tegal Kota AKP Syuaib Abdullah, makili Kapolrés AKBP Rita Wulandari Wibowo nang Mapolrés, dina Senen (12/10/2020).

View this post on Instagram

TEGAL – Kasus pencurian sepeda motor mulai marak di Kota Tegal. Dalam 1×24 jam, ada 3 unit motor dicuri di dua wilayah berbeda. Yakni Kecamatan Tegal Timur dan Kecamatan Margadana. Dari 3 peristiwa pencurian itu, 2 di antaranya terekam CCTV. Aksi pencurian pertama terjadi di Kecamatan Margadana. Dalam rekaman video kamera pengawas, pencuri menggasak sepeda motor di halaman sebuah gedung di pinggir Jalan Pantura pada Sabtu malam (10/10/2020). Selengkapnya di Panturapost.com Video : doc FB #curanmor #pencurianmotor #terekamcctv #cctv #kotategal #panturapost #saikijamaneonline

A post shared by Panturapost.com (@panturapostcom) on Oct 12, 2020 at 7:10am PDT

Syuaib ngomong, pihaké ésih nylidiki kasus kuwé. Polisi malah wis ngamana siji barang bukti rekaman vidio CCTV nggo kasus nyolong motor nang Tegal Timur.

“Dhéwék ésih nylidiki, lan dhéwék wis nemu barang bukti rupané CCTV sing nggambarna pelaku lagi nglancarna aksiné,” jaré dhéwéké.

Jaré dhéwéké, telu pelaku nang telung lokasi sing sejen, wayah mlakokna aksiné uga modusé séjén-séjén.

“Nang dalan Slamet Tegal Timur sabeneré merga ana niat lan kesempatan. Nang endi sing nganggo motor tledor ninggalna kunci motoré mugané nggawé nyembul kesempatan nggo pelaku,” jaré dhéwéké.

Lah, pas lagi nyolong nang Kecamatan Margadana, pelaku nggunakna kunci T nggo ngrusak kontak motor. Kasatréskrim nambahi, pihaké malah wis mbentuk tim khusus nggo nangani utawa nanggulangi curanmor.

“Mugané kekarepané gagiyan keungkap. Soalé ciri-ciri fisik pelaku uga wis dhéwék ngarteni,” pungkasé. (*)

Disunting Daning: Irsyam Faiz