BREBES – Polisi ésih terus nylidiki kasusé pamong Désa Petunjungan, Kecamatan Bulakamba, Brebes sing huruf ngarepé IA (36). Wong sing jabatané dadi Sekertaris Désa (Sekdés) kuwé keancem ukuman abot merga ana unsur perkiraan tindak pidana korupsi.
“Ya jelas dhéwék tak aboti kasus nyolong duwit DD sing nggo BLT COVID-19. Dhéwék uga lebokna maring pasal tindak pidana korupsi (Tipikor),” omongé Kapolres Brebes AKBP Gatot Yulianto, dina Senen, 3 Agustus 2020.
Kaya sing wis dingerténi, duwit kuwé dana bantuan nggo warga sing keimbas pandemi virus corona (COVID-19). Jumlahé tekan Rp 231.896.700.
Nang arepé petugas, pelaku IA ngakoni lan ngelom-ngelomi kelakuané. Dhéwéké duwe alesan, nglalu nglakoni aksiné merga lara ati karo Kepala Désa (Kades). Pelaku uga ngaku lagi diudag-udag utang.
“Nyong kajogan, alesan nyong nglalu nglakoni kuwé soale lagi butuh duwit nggo nglunasi utang,” pungkasé.
Kaya dibritakna sadurungé, pelaku dicekel tim Gabungan Résmob Polrés Brebes lan unit Reskrim Polsek Bulakamba, dina Rebo (29/7/2020). Pelaku dicekel nang kos-kosan sing ana nang Kota Tegal.
“Dhéwék olih laporan seka pihak Pemdés Petunjungan soalé pelaku dinyana nggawa mlayu duwit DD. Mbaranganu anggota unit reskrim gerak luruh anané pelaku lan akhiré dicekel,” omongé Kapolsék Bulakamba AKP Widiaspo, dina Kemis 30 Juli 2020.
Dhéwéké ngomong, kedadénan molai wayah bendahara désa Petunjungan dibatiri aparatur désa liyané mangkat maring Bank Jateng Cabang Brebes, niat pan nyairna duwit DD.
Sawisé njukut duwit kuwé, keloroné (bendahara lan aparatur desa) balik maring kantor désa. Latane nyokon duwit kuwé nang ngingsoréng salah sijineng méja nang ruangan.
“Ora suwé latané, wayah korban pan ngecék duwit kuwé, duwit kuwé wis laka nang genahé utawa ilang,” jaréné.
Saliyané ngamanna pelaku, pihak kepolisian uga ngamanna ana pirang barang bukti. Nang antarané, duwit tunai sing esih dikuasani pelaku segedhé Rp 122.169.000.
Lah, nggo barang bukti liyané sing diamanna, yakuwé sa unit motor Honda Scopy, ATM BRI siji, ATM BNI siji, alat EDC siji, HaPe merek Rédmi siji lan Buku tabungan/rekening penerima dana BLT DD. (*)
Discussion about this post