BREBES – Tim Gabungan Polsek Wanasari karo Resmob Satresreskrim Polres Brebes bareng karo tim seka Polda Jateng winginané bar nangkep rombongan garong. Maling-maling kuwé diréok polisi sawisé nggawa mlayu duwit koprasi sing nang Klampok, Wanasari, dina Senen, 13 Juli 2020.
Duit sing digarong kuwe jumlahé nganti Rp 40,7 juta luwih. Padahal didokon neng jero brankas sing wis digembok kenceng nemen.
Garongé ana telu, arané Slamet (43) karo Imam (21) wong Cilincing Jakarta Utara, lah siji maning sing wong Banjarharjo Brebes arané Kusno (55). Wong-wong kuwé dicekel neng markasé sing ana neng wilayah Désa Kudu Keras, Kecamatan Babakan, Kabupatén Cirebon, Jawa Barat.
“Pelaku kuwé dicekel daning tim gabungan seka Gabungan Polda Jateng, Résmob Polrés Purworejo, lan unit reskrim Polsék Wanasari,” omongé Kasatréskrim Polrés Brebes, Agus Supriyadi.
Lah, nggo barang bukti sing wis diamana polisi, yakuwé kaos oblong siji warna ireng sing ana tulisané superior, HaPé oppo siji tipe A1K warna ireng, clana jeans warna biru siji, karo tugelan wesi sing nggo nyangga brangkas siji.
“Modus operandiné pelaku nyongkél lawang ngarep koprasi nganggo gejig. Saliyané duwit neng njero brangkas, pelaku uga nggawa mlayu BPKB mobil sing dibenahi neng njero brangkas,” tuturé.
Gara-gara kelakuané, ketelu pelaku diwéin pasal sing anceman ukumané penjara 5 taun luwih. (*)
Kiye video detik-detik rombongan garong kuwé diréok polisi.
Disunting Daning: Irsyam Faiz
Discussion about this post