SEMARANG – Gubernur Jawa Tengah, Ganjar Pranowo nanggepi soal anané surat édaran seka Kementerian Ketenagakerjaan (Kemenaker) soal upah minimum taun ngarep. Dhéwéké ngomong mbené nampa surat édaran kuwé nang dina kiyé, dina Slasa (27/10/2020).
“Suraté nembé nyong tampa mau, senajan wingi-wingi dhéwék wis komunikasi. Saiki dhéwék lagi ngaji lan ngomunikasikna karo Tripartit ébén fair, soalé siji dasaré UU Ketenagakerjaan, ana UU Kedaruratan lan ana surat édaran kiyé,” omongé Ganjar.
Ganjar nutugna, soalé surat édaran Menaker moni upah minimum kudu padha karo taun disit, mugané pihaké lagi ngaji luwih jero maning. Saliyane kuwé, pihaké uga gagiyan ngejak ngomong Dewan Pengupahan dan Tripartit ébén kabehané kepenak lan padha-padha mahami.
“Dhéwék ora pan kesusu, soalé ésih ana waktu. Pan dhéwék kaji lan komunikasikan,” imbuhé.
Neng njero surat édaran kuwé, Gubernur kudu ngumumna penetapan Upah Minimum taun 2021 nang 31 Oktober 2020. Jaré Ganjar, ésih ana wektu nggo ngaji lan nglakoni komunikasi karo pirang-pirang pihak.
“Mau ana Bupati sing nyampékna, mbok diundur anjog November (pengumumané), pendah dhéwék bisa komunikasi ndisiti. Tak kira kiyé ide apik, dhéwék pan sampékna aspirasi kiyé. Saiki, tim lagi nyambut gawe,” pungkasé.
Nggo informasi, Mentri Ketenagakerjaan Indonesia, Ida Fauziyah wis ngetokna surat édaran (SÉ) sing nomeré 11/HK04/X/2020 ngenani Penetapan Upah Minimum taun 2021 nang Masa Pandemi COVID-19 maring kabeh Gubernur nang Indonesia kekait ditetapnané Upah Minimum taun 2021.
Neng njero surat édaran kuwé, Menaker njaluk maring kabéh Gubernur netepna Upah Minimum taun 2021 padha karo taun 2020 alias laka sing arané munggah-muggahan. (*)
Discussion about this post