TEGAL – Kepala Unit Pelaksana Teknis Daerah (UPTD) Guci, Kabupaten Tegal, Ahmad Abdul Khasib ngomong, pihaké nerapna pembatasan wayah preinan dawa wulan Oktober taun kiyé. Kaya jumlah pengujungé dikendalikna nang angka 3.000 pengunjung.
Kabéh kuwé dilakoni nggo nyegah nyebaré virus corona. Ébén wong sing plesir ora pada ketularan. Soale, saiki ésih nang wayah pageblug.
“Dadi kapan neng jero monitor kendali nudukna jumlahéng pengunjung sing manjing seakéh 3.000 wong, dadine dhéwék lakoni penutupan sasuwénéng 1 jam mengarep. Maksudé, nggo mékena kesempatan pengunjung metu seka kawasan Guci. Hal kiyé nggo ngantisipasi pengujung pada numpuk nang lokasi tertentu,” jaréné.
Pembatasan sing liya yakuwé layanan pemandian umum air panas ésih dineb. Termasuk pancuran 13 karo pancuran 5. Hal kiyé ngacu nang kebijakan Dinas Pariwisata Provinsi Jawa Tengah.
Baca Juga
“Dhéwék kudu taat karo kebijakan kuwé, termasuk dibatesiné tingkah polahé pengunjung. Kapan ana pengunjung sing ora gelem nuruti protokol kesehatan, kepaksa dhéwék arahna metu kawasan wisata. Hal kuwé dhéwék lakoni karo tetep koordinasi karo TNI POLRI utawa Satgas COVID-19 kecamatan lan désa .
“Kekait asal daérah pengunjung ora dhéwék watesi. Sadawaneng pengunjung waras lan taat protokol kesehatan lawasé nang kawasan wisata,” tambahé
Sementara kuwé, salah siji koordinator pemandian tertutup Basuki ngomong, salah siji pemandian dibuka, tapi pemandian nganggo protokol kesehatan. Pemandian kiyé mung khusus sa kamar sa wong.
“Dadi pemandian air panas kiyé mung khusus sa kamar sa wong. Kebeneran pemandian kiyé sistemé kaya kolam. Dadi sa kamar mung sa wong lan banyu sing nggo adus kuwé banyu sing mili. Yah pemandian kiyé salah siji tamba elom wong-wong plesir soalé wisata pemandian air panas sing umum ésih dineb.” (*)
Discussion about this post